Dhaabbanni Fayyaa Addunyaa lammiileen Yaman 2000 ol dhukkuba Koleeraatiin du’uu ibse.
- NuuralHudaa
- Sep 6, 2017
- 1 min read
Ji'a Ebla irraa kaasee lammiileen Yaman 2,054 tahan dhukkuba koleeraatiin du'uu, Dhaabbanni Fayyaa Addunyaa (WHO) ibse.
WHO’n ibsa isaa kana irratti Ebla 27/2017 irraa kaasee namoonni dhukkuba koleeraatiin qabamuu shakkamanii galmaa'an 618,209 tahuus beekameera.
Godina Al- Hudaydaa irraa namoonni 77,286 dhukkuba koleeraatiin qabamanii galmaa'aniiru, godinni Hajjah immoo namoonni 386 irraa du'uun kan jalqabaa tahe jira.
Akka gabaasa Dhaabbata Mootummoota Gamtoomaniitti ummanni Yaman miliyoona kudha shanii ol, sababa waraana biyyaatti keessatti geggeeffama jiruutiin, hanqina fayyaa hamaaf saaxilamuufi, lola finciltootaa fi mootummaa jiddutti bara 2015 irraa kaasee godhamaa jiru kanaan lammiilee 10,000 ajjeefamu ni mul’isa.
_ Application NuuralHudaa download godhuuf Android https://goo.gl/Ieo7dv iPhone https://goo.gl/y7n0In iPad https://goo.gl/Yf9a8x NuuralHudaa https://www.facebook.com/RNuurAlHudaa/ https://twitter.com/NuuralHudaa www.nuuralhudaa.com
Commenti