Yamanitti laakkofsi namoota dhukkuba koleeraatiif saaxilamanii 500,000 gahuun gabaafame.

Gabaasni Dhaabbata Fayyaa Addunyaa (WHO) irraa guyyaa hardhaa bahe, biyya waraanni cimaan keessatti geggeeffamutti jiru ,Yamanitti laakkofsi namoota dhukkuba koleeraatiif saaxilamanii 500,000 gahuu fi akkasumas ji'a Ebla irraa kaasee hanga ammaatti lubbuun nama 2000 sababa dhukkuba kanaatiin darbuu muli'sa.

Dhaabbanni Fayyaa Addunyaa WHO "dhibeen koleeraa kutaa biyyattii adda addaa keessatti saffisaan kan dabalaa jiru yoo tahu, guyyatti yoo diqqaate namoonni 5,000 dhukkuba bishaaniin dadarbuuf saaxilamu" jedhe.

Bara 2014 irraa jalqabee garee Finciltoota Husii fi waraana mootummaa jiddutti lolli cimaan godhamaa jiratuun beekamaadha. Sababa lola kanaatiin lammiileen heddu qe'ee isaanii irraa buqqa'uu gabaasni Fannoo Dimaa Addunyaa irraa argame ni addeessa.

____ Application NuuralHudaa download godhuuf Android https://goo.gl/Ieo7dv iPhone https://goo.gl/y7n0In iPad https://goo.gl/Yf9a8x NuuralHudaa https://www.facebook.com/RNuurAlHudaa/ https://twitter.com/NuuralHudaa www.nuuralhudaa.com

#Yaman #Eeshiyaa