Loltoonni Miyaanmaar baqattoota Rohingiya irratti dhukaasa banuun gabaafame.

Daangaa Miyaanmaarii fi Baangiladeesh irratti loltoonni Miyanmaar baqattoota Rohingaa irratti dhukaasa banuun gabaafame. Baqattoonni kunniin irra caalaan ijoollee fi dubartii walitti bu’iinsa loltoota mootummaatii fi finciltoota Rohiingaa jiddutti uumame jalaa, gara Baangiladeeshitti baqataa turan tahuu Aljaziiraan gabaase.

Muslimoonni biyya Miyaanmaar kutaa Rakhayine jedhamu keessatti, hordoftoonni amantaa Budihaa yeroo dheeraaf ajjeechaa fi qeyee isaanii ibiddaan kan barbadeessaa turan ta’uun ni yaadatama. Yeroo dhihoo as ammoo loltoonni mootummaatis, sabaabaa finciltoota muslimaa qulqulleessuu jedhuun, ummata Rohingaa irratti dararaa hammeessuu isaanii falmitoonni mirga namoomaatii fi dhaabanni mootummoota gamtoomanii, gabaasa yeroo adda addaa baasaa turan irratti beeksisaniiru.

Ummatni Rohingaa yeroo ammaa kanatti hawaasa lammummaa hin qabne ta’uudhaan, biyyoota adda addaa keessumaayyuu Baangiladeesh keessatti baqattummaan kan dararamaa jiran tahuu gabaasni kun ni mul’isa.

____

Application NuuralHudaa download godhuuf Android https://goo.gl/Ieo7dv iPhone https://goo.gl/y7n0In iPad https://goo.gl/Yf9a8x NuuralHudaa https://www.facebook.com/RNuurAlHudaa/ https://twitter.com/NuuralHudaa www.nuuralhudaa.com