Haleellaa xiyyaaraa mootummaa Suuriyaa fi Raashiyaatiin raawwatameen , yoo diqqaate namoonni 12 ajje

Haleellaa xiyyaaraa mootummaa Suuriyaa fi Raashiyaatiin raawwatameen , yoo diqqaate namoonni 12 kan ajjeefamanii fi Hospitaalli naannawa sanitti argamu tokko guutuumaa guutuutti akka barbaada'e , hojjattoonni Fayyaa naannawa sanii fi dhaabbatni “garee mirga namummaa suuriyaa” Rooytersiif ibsan.

Dubbii himaan hospitaala kanaa Rooyteersiif akka himetti;"Haleellaa Xiyyaaraa kanaan namoota hospitaala kanatti yaalamaa turan dabalatee namoonni 12 ajjeefaman" jedhee jira. Mormitoonni fi lammiileen dararaa mootummaa suuriyaa dheessan ,magaalaa Damashq fi naannawa isii irraa gara bulchiinsa naanawa Idliib baqatuun isaanii ni yadatama.

Gama biraatiin ammoo, Turkiyaan masaajidoota 60 oli sababaa walwaraansa suuriyaa kessaatiin barbadaayan, deebistee ijaaruuf akka karoorsite;dhaabbatni odeeyfannoo Anadolu agensiin gabaasee jira. Hanga ammaatitti, Turkiyaan naannawa suuriyaa daangaa biyya isii jiruu fi kan bulchiinsa abbaa irree Bashaar Al-asaad harkaa bilisa baye keessatti, masjiidoota 120 suphuudhaan deebi’anii akka banaman; gargaaruu isii gabaasni kun mul’isee jira.

#Eeshiyaa #Suuriyaa #Raashiyaa