WAARDIYOOTA IBIDDAA

JANNATAA FI IBIDDA WAARDIYOOTA IBIDDAA

Ibidda Azaabaatirra Malaaykoota waardiyaatu jira, Uumaan Isaan akkaan gurguddoo kan taate, Qixaanni Isaanii akkaan jajjabaa kan tahe, Waan Rabbiin itti isaan ajaje kan hin faalleeysine, warra waan itti ajajaman dalagaarra olchantu jira. Rabbiin hoggaa waa’ee Isaanii ibsu akkana je’e: “Yaa warra amantan lubbuu teeysanii fi maatii teeysan ibidarraa eegaa, Qabsiisaan Isii (Qoraan isii) Ilmaan namaa fii dhagaadha. Isiirra Malaaykoota Qalbii fi qaama jajjabaatantu jira, waan Allaah Isaan ajaje hin didan, waan itti ajajaman ni dalagan.” At-Tahriim:6. Lakkoofsi Isaanii kudha sagali, akkuma Rabbiin ol tahe nuuf hime: “Wiliin Saqar Isa naqa. Saqar waan taate maaltu si beeysise?!. Hin hambiftu (cubbaawaa tokkollee), hin lakkiftu (qaama tokkollee gubdu malee). Googaa akkaan gubduudha. Isiirra kudha sagaltu jira (Malaaykaan, Waardiyoonni).” Al-Muddasir: 26-30.

Kaafiroonni lakkoofsa Malaaykoota waardiyaa Ibiddaa kanaan ni fattanaman. Akka waan lakkoofsa xiqqaa kan injifatuun dandahamu herreegan. Wanni Isaan wallaalan tokkicha Malaaykoota sanirraa tahee ilma namaa hundi dura dhaabbachuu hin danadahu. tanaaf Rabbiin eega lakkoofsa Isaanii ibsa boodaan itti aansee akkana je’e: “Nuti Warra Ibidda (eegu ykn Waaridiyaa) Malaaykoota malee hin goone, lakkoofsa isaaniitis (19) Kaafirootaaf mokkora malee waa hin goone.” Al-Muddasir: 31

Rabbiin ol tahe Malaaykoota kanneen Waardiyoota Jahannam jechuunis isaan dubbatee jira: “Warri Ibiddaa Waardiyoota jahannamiin ni je’an ‘Rabbii Keeysan nuuf kadhadhaa akka ibidda guyyuma takkaaf nurraa laaffisu’.” Ghaafir: 49.

Ibiddi Jahannam akkaan hamtuudha. Waardiyoonni Isiilleen akkaan hamoodha. Rabbii warra Qalbii jajjabaatu kan namaaf hin rifannee fi warra qaama jajjabaatu kan hin injifatamne tahuu nuuf hime. Rabbiin Ibidda Jahannam jalaa nagaya nu haa baasu. ———- Qophiin Jannataa fii Ibidda jettu tun Inshaa Allaah itti fufti. Gama duraa kana Ibiddaa fi waa’ee isii hoggaa tahu, gama boodaa ammoo Jannataa fi waa’ee Isiitu as deema. Maddi: Al-Jannatu Wa An-Naar, Kan Qopheeyse Dr. Umar Al-Ashqar.