Ibsa Gabaabaa Waa’ee Ibiddaa irraa

JANNATAA FI IBIDDA

Ibsa Gabaabaa Waa’ee Ibiddaa irraa

Ibiddi Azaabaa ganda Rabbiin warra Isatti kafareef qopheeyse, Warra Shari’aa Isaa didaniif, Warra Ergamtoota kijibisiiseef, Bakka Rabbiin Adawwii Isaa itti adabu, Mana hidhaa Rabbiin warra jecha Isaa didan itti hidhu. Isiin xiqqeenya guddaadha. Khasaaraa guddoodha. Xiqqeenyi sanii olii hin hafne, Hongoon Isiirra guddoo hin jirtu. Kanaaf Rabbiin akkana je’e: “Yaa Rabbii keenya Ati nama ibidda neeyxe, dhugumatti Isa xiqqeeysite. Zaalimootaaf (Kaafira, Mushrika, badi dalagaaf) tumsaan hin jiru.” Al-Imraan: 192 Ammas Rabbiin Ibiddi jahannam xiqqeenya guddoo tahuu hoggaa himu akkana je’e: “Sa Isaan hin beeynee, Inni Allaah fii Rasuula Isaa faalleeysu, Isaaf ibidda Jahannamtu jiraaf Isii keeysa turaadha (bara baraan jiraata). Suni xiqqeenya guddaadha.” At-Towbaah: 63 Ammallee Rabbiin ol tahe akkana je’e: “Isaannan dhugumaan hongawan warra ifii isaanii fii maatii Isaaniillee hongeeysani guyyaa Qiyaamaadha. Dhugumatti suni Khasaaraa (hongoo) guddoodha.” Az-Zumar: 15 . Dhugumatti Ibiddi xiqqeenyaa fi Khasaaraa guddoodha. Akkasumaa wajjiin gubachuu, laallachuu, adabamuu walitti dhaabbataa taheetu warra isii mudata. Balaa gurguddoo isii keeysa jiru qalamni katabee hin dandahu, Arrabni dubbatee hin fixu. Rabbiin tanaaf Qubsuma warra Ibiddaa hammeeysee hime. Rabbiin ol tahe akkana je’e: “Isiin (Ibiddi) akka malee hammaattee jirti bakka Qubsumaa fi bakka teeysumaa tahuudhaaf.” Al-Furqaan:66 “Warra Jallateef (warra badiin daangaa dabareef) bakka Qubsumaa hamaatu jiraaf. Ibidda Jahannam ni seenan, way waa hammaatee Qubsumti!” Saad: 55-56

Rabbi Ibidda hamtuu, Xiqqeenya guddaa, Khasaaraa hundaa olii tanarraa najaa nu haa baasu. —————- Qophiin Jannataa fii Ibidda je’u kuni Inshaa Allaah itti fufa. Gama duraa kana Ibiddaa fi waa’ee isii hoggaa tahu, gama boodaa ammoo Jannataa fi waa’ee Isiitu as deema. Maddi: Al-Jannatu Wa An-Naar, Kan Qopheeyse Dr. Umar Al-Ashqar.