Masri magaalaa Aleksaandariyaa keessatti balaa Baaburatiin namoonni 49 ol du’uun gabaafame.

Guyyaa kaleessa biyya Masri magaalaa Aleksaandariyaa keessatti Baaburri lama walitti bu’uun, lubbuun namoota 49 ol dabruu Televiziyoona biyyattii waabefachuun Anaadooluu niiwus gabaaseera.

Balaan kun kan dhaqqaabe magaalaa qarqara galaana meeditiraaniyaanitti argamtu Aleeksaandariyaa seensa irratti iddoo Khorshiod jedhamutti. Balaa kanaan namoota du’aniin alattis namoonni 133 ta’an miidhamanii gara hospitaalaa kan geeffaman ta’uu qondaaltonni Fayyaa naannichaa himaniiru.

Masri keessatti waggoota muraasaa asitti balaan Baaburaa irra deddeebi’ee kan dhaqqabe yoo ta’u, sababni kanaas dolloomuu misoomaa bu’uuraa tii fi dhabamiinsa bulchiinsa gaarii wajjiin kan walqabatu akka ta’e, qeeqxonni kan dubbatan tahuu gabaasni kun ni mul’isa.

____ Application NuuralHudaa download godhuuf Android https://goo.gl/Ieo7dv iPhone https://goo.gl/y7n0In iPad https://goo.gl/Yf9a8x NuuralHudaa https://www.facebook.com/RNuurAlHudaa/ https://twitter.com/NuuralHudaa www.nuuralhudaa.com