Warshaan Foon Harree kan Bishooftuutti argamu kan hin cufamin tahuun beekkame.

Ji’oota muraasa dura Warshaa Foon harree Magaalaa Bishooftuutti banameen walqabatee, mormiin ummataa waan ka’eef mootummaan naannoo Oromiyaa warshicha kana cufuu isaa ibsee ture. Haata’u malee ragalee warshaan kun akka hincufamin mul’isiin kan argaman yootahu, xalayaan Baankiin Daldala Itiyoophiyaa guyyaa 21 adoolessa 2017 barreesse, warshichi kan hincufamin ta’uu mirkaneessa.

Inumaayyuu akka xalayaa kanarraa hubachuun danda’ametti, warshichi gatii foon Harree kana biyya alaatti gurguruun irratti, dhaabbiilee mootummaa waliin kan walii hingalin waan ta’eef, Foon Harree kun akka gara biyyaa alaa hin ergamne kan dhoorge tahuu hubachiisa.

Mootummaan Naannoo Oromiyaa kanaan dura warshaan Foon Harree kuni kan safuu ummata keenyaa cabse waan ta’eef cufamee jira jechuun isaa niyaadatama.

_ Application NuuralHudaa download godhuuf Android https://goo.gl/Ieo7dv iPhone https://goo.gl/y7n0In iPad https://goo.gl/Yf9a8x NuuralHudaa https://www.facebook.com/RNuurAlHudaa/ https://twitter.com/NuuralHudaa www.nuuralhudaa.com