Qondaalli Haajaa alaa Turkiyaa mootummaa Falisxiiniif deeggarsi akka godhamu gaafate.

Guyyaa hardhaa Qondaltonni haajaa alaa miseensa dhaabbata Gurmuu biyyoota Islaamaa (OIC), weerara dhiheenya kana Isra'eel masjiidal Aqsaa irratti gaggeessaa jirtu irratti mari'atuuf, Turkiyaa magaalaa Istaanbulitti kora geggeessaa jiru. Ministerri haajaa alaa Turkiyaa Biyyoonni muslimaa birmadummaa ummata Falisxiinii fi mootummaa Falisxiin akka deggaran gaafate.

Ministirri haajaa alaa Turkiyaa Mevluut Kavusogluu baniinsa kora kanaa irratti haasawa godheen ''Falisxiinota weerara Isra'eeliin biyya isaanii dhabanii fi qe'ee isaanii irraa buqqa'uun bibittinnaa'an haasawa qofaan osoo hin tahin gochaan deeggarsa keenya ibsuufi qabna". “Gocha seeraan alaa raawwatamaa jiru kana dhaabsisuuf, qamni dhimmi ilaallatu hundi birmadummaa mootummaa Falisxiiniif sagalee akka dhageessisu affeeruu qabna" jedhe.

Turki yeroo ammaa kana dhaabbata gurmuu biyyoota muslimaa kana dura bu’ummaan hoogganaa jirti.

_ Application NuuralHudaa download godhuuf Android https://goo.gl/Ieo7dv iPhone https://goo.gl/y7n0In iPad https://goo.gl/Yf9a8x NuuralHudaa https://www.facebook.com/RNuurAlHudaa/ https://twitter.com/NuuralHudaa www.nuuralhudaa.com