Masjiidal Aqsaan Alhada kaleessaa kan baname tahuus kan keessatti hin salaatamin tahuun beekkame.

Mootummaan Isra'eeli masjiidal Aqsaa juma'aa darbe irraa kaasee waan cufeef, guyyoota lamaaf kan itti hin salaatamin tahuun ni yaadatama. Alhaada kaleessaa immoo kan banan yoo tahu, muslimoonni Falasxiin garuu seenanii salaatuu diduu isaanii odeeyfannoon AlJaziiraa irraa argame ni addeessa.

Mootummaan Yahuudaa Isra'eel guyyaa kaleessaa masjiida kana eega banee booda, waraana isaa hedduu fi kaameraawwan adda addaa akkasumas dallawa Sibilaatiin masjiida marse.

Haala kana hordofuun Imamoonni fi hooggantoonni masjiidal Aqsaa seenuu diduun, dallawa masjiidatiin alatti kan salaatan tahuu gabafameera. Bulchiinsa masjiidal Aqsaa kan tahe Umar Kiswaani ibsa midiyaaleef kenne irratti "Cufamuun masjiidal Aqsaa,Azaana ugguruu fi gochi raawwatama jiru kun hundi kan seeraan alaa akkasumas kan waliigaltee Dhaabbata mootummoota gamtomanii fi waliigaltee addunyaa tarkanfatedha, Mootummaan Isra'eeli wanta haarawa masjiidal Aqsaa keessaatti godhef itti gaafatamummaa hanga fudhatuu fi hanga haal duree tokko malee too’anna masjiidichaa nuuf gad lakkiisutti nutis alatti Salaanna" jedha.

Muslimoonni Falasxiin hedduunis masjiidal Aqsaa seenuu diduun, moonaa masjiidatiin alaatti kan salaatan tahuu gabafameera.

Application NuuralHudaa download godhuuf Android https://goo.gl/Ieo7dv iPhone https://goo.gl/y7n0In iPad https://goo.gl/Yf9a8x NuuralHudaa https://www.facebook.com/RNuurAlHudaa/ https://twitter.com/NuuralHudaa www.nuuralhudaa.com