Magaalaa Londonitti muslimoota masjiidattii salaatanii bahaa turan irratti haleellaan raawwatame.

Magaalaa guddoo UK London keessatti haleellaa konkolaataan muslimoota irratti godhame kanaan, yoo diqqaate namoonni 8 kan du'anii fi namoonni 50 ol kan miidhaman tahuu odeeyfannoon Rooytersi irraa argame ni addeessa. Namni haleellaa konkolaataa kana raawwates too'annaa jala ooluun gabaafameera.

Namoota balaa kana ijaan argan waabefachuun gaazexaan Independent akka gabaasetti, konkolaataan kun haleella kana dursee halkan karaa naannawa masjiida kanaa cufee dhaabbatee akka ture himee jira.

Manni Marii Muslima Biriitaaniyaa gama isaatiin, Konkolaataan kun ummata Masjiidaa bahaa jiru keessa figuun balaa kana raawwatuu ibseera. Barreessaan Mana Marii Muslimoota Biriiteen Haaruun Khan gama Twitter isaatiin " Ummata Salaata Salaatee masjiidaa bahaa jiru irratti haleellaan akkasii kun raawwatamuu isaa dhagahuun hedduu kan nama rifachiisuu fi aarsu" jechuun barreesse.