Ertraan waliigaltee cabsuudhaan dachii kiyya humnaan qabatte; jechuun Jibuutiin himatte.

Torbaan kana keessa Qat

ar loltoota ishii kan daangaa Eritiraa fi Jibuutii irratti argaman ergaa kaafte booda, Waraanni mootummaa Eritiraa lafa yeroo dheeraaf jidduu isaaniitti falmisiisaa ture, too'ate jechuun ministerri dhimma alaa Jibuutii Muhaammad Yuusuf Dhaabbata Mootummoota Gamtomanii fi Gamtaa Afrikaatti kan iyyatan tahuu dubbate.

Muhaammad Yuusuf " Akkuma humnoonni nageenyaa Qaxar daangaa lakkisaaniin Waxabajii 12 fi 13 loltoonni Eritiraa gar gaara Dumeeyraa imaluu jalqaban; yeroo ammaa kana looltoonni kun gutumaa guututti gaara Dumeeyraa fi oddoola Dumeeyraa qabatan; kun immoo waliigaltee mana maree nageenyaa dhaabbata mootummoota gamtoomanii kan cabse" jechuun Rooytersitti hime.

Mootummaan Eritiraa immoo dhimma kana irratti hanga ammaatti yaada hin kennine. Qaxar immoo humnoonni nageenya ishii kan daangaa biyyoota lamaanii irra turan akka lakkisaanii bahan kan goote, biyyoonni kun Qoqqobbii biyyoonni galoo galaana Arabiyaa isii irratti labsan kan deeggaran tahuu eega ibsanii booda yoo tahu, hanga ammaatti garuu maliif loltoota isii akka kaaste kan hin ibsin tahuus gabaafameera.