Magaalaa Naayiroobiitti sagantaan Da'awaa guddaan geggeeffame

Sagantaa Da’awaa magaalaa Naayiroobiitti guyyaa hardhaa mata duree “Ramadaana akkamitti simanna” jedhu irratti lammiiwwan biyya keenyaatin qophaa’e haala bareedaadhaan geggeeffamuu isaa odeeffannoon argame ni addeessa. Sagantaa Muhaadaraa guddaa kana irratti ,lammiiwwan biyya keennaa, magaalaa Naayiroobii keessa jiraatanii fi lakkoofsaan hedduu tahan kan hirmaatan yoo tahu, Ulamaa'oonni, Ustaazonni akkasumas munashidoonni argamuudhaan; akkaataa Ramadaana itti simatuu qabnu jedhu irratti dhaamsa bareedaa kan dabarsan tahuu maddeen gabaasaniiru. Ulama'oota ,Ustaazotaa fi munaashidoota sagantaa kana irratti argamuudhaan qooda fudhatan jidduu; Sheekh Alii Jimmaa, Sheekh Ahmad Muhammad, Sheekh Khaamil Abubakar, Sheekh Ahmad Najjaash fi Sheekh Bahrudiin Ahmad tahuun beekkameera. Munashidoota irraa immoo;Salahaddiin Sa'id,Saadam Abdullaahi fi Munashid Anas Muhammad kan argaman ta’uu isaa gabaasni kun mul’isee jira.

____________ Application NuuralHudaa download godhuuf Android https://goo.gl/Ieo7dv iPhone https://goo.gl/y7n0In iPad https://goo.gl/Yf9a8x

NuuralHudaa

https://www.facebook.com/RNuurAlHudaa/ https://twitter.com/NuuralHudaa www.nuuralhudaa.com