Kooriyaan Kaabaa Ameerikaa waliin mari'aatuf fedhii kan qabdu tahuu ibsite.

Dippiloomaatiin Kooriyaa Kaabaa tokko, biyyiti isaa kanaan dura qondaaltota Ameerikaa bulchiinsa duraanii waliin Noorweeyi keessatti marii kan goote tahuu ibsuudhaan ammas pirezidaant Tiraamp waliin haasa'uun rakkoo hin qabu jechuun dubbatuun isaa gabaafameera.

Ji'a dabre keessa Pirezdantiin Ameerikaa Doonald Tiraamp, hoogganaa Kooriyaa kaabaa Kiim Joong uun waliin mari'aachuudhaaf fedhii kan qabu tahu ibsuun isaa niyaadatama. Yaadni waliin haasa’uuf fedhii qabaatuu kun, eega Kooriyaan Kaabaa Yaalii Nuukleraa fi Misaa'elaa cimsitee itti fuftee fi biyyoota diina kiyya jettuun irratti sodaa guddaa erga uumtee as kan dhiyaate tahuus gabaafamera.

Qondaalli Minissteera Dhimma Alaa Kooriyaa kibbaa tokko gama isaatiin; Piyoongiyaangii fi Waashingitan marii akka waliin godhan biyyiti isaa fedhii kan qabdu tahuu ibsee jira.

#USA