Mootummaan Chaayinaa Daa'immaniif maqaa Muslima akka hin moggaasne Dhorge.

Qondaaltonni mootummaa Chaayinaa kutaa biyyaattii Xianjiang jedhamtuu ,daa'imman amma booda dhalataniif maqaa muslimaa moggaasuu kan ugguran ta’uu gabaafamera. Maqaaleen muslimaa 29 tahan kan ugguraman yoo tahu; namni maqaalee dhorkaman kanniin daa’imman isaa moggaase, kan seeraan adabamuu fi daa'imaafis waraqaa dhalootaa kan hin kennamneef tahuu ,hoogganaan waajjira poolisii magaalaa Urumqi Radio Free Asia jedhamuuf ibsuu isaa daily mail gabaasee jira.

Naannoon Xianjiang kan ummata muslimaa saba Uighur jedhamuu yoo tahu; mootummaan Chaayinaa sababa amantii isaaniitiif; cunqursaa hamaa kan isaan irratti geggeessu tahuunis beekkamadha. Haaluma walfakkaatuun ,Kanaan duras areeda dheeressuu fi hijaaba uffatuun kan dhoorkame tahuu gabaasni kun ni mul’isa.