Eega labsiin dhiifamaa labsamee as, lammiileen biyya teenyaa namoonni 200 qofati gara biyyaa deebi’u

Mootummaan Sa’ud Arabiyaa, Namoonni hayyama jireenyaa malee biyya isaa keessa jiraatan rakkoo tokko malee akka bahaniif jecha, labsii dhiifamaa guyyoota 23 dura baasuun isaa ni yaadatama. Dabalataanis namoota yeroo kana keessatti biyyattii keessaa karaa nagayaatiin hin bane irratti, hidhaafi tarkaanfii biroo kan fudhatamu tahuus ibsee jira. labsii kana hordofuun lammiileen biyya teenyaa kan hanga 4,000 tahan, gara biyyaa galuuf guca itti galmaayan fudhatanii turan, namoota kuma afran kana keessaa kan haga ammaatti gara biyyaa gale nama 200 qofa akka tahe, ministeerri haajaa Alaa itiyoophiyaa beeksisee jira.

Yeroo labsii dhiifamaa kana kessatti, Namoonni hayyama jireenyaa malee Sa’uud Arabiyaa keessa jiraatanii qabeenya horan, Qabeenya isaanii fudhatanii karaa seeraatiin akka bahan hayyamni kennamee jira. Yeroo birootis karaa seera qabeessaan gama Sa’ud Arabiyaa deebi’uu mirga qabu.