Gamoo Paarlaamaa Paraguwaay ummanni ibidda itti qabsiisuu gabaafame.

Magaalaa gudditti Paraguwaay Asunsiyooniitti halkan jimaataa sababa Pirezedaantiin Paraguwaay kan aangoo irra jiru Haraasiyoo Kartees heera biyyattiitiin alatti yeroo lammaffaaf akka filatamu jechuun Senetoonni dhoksaan labsan, heera Paraguwaayiitti Pirezedaantiin waggaa 5 qofa akka bulchu kan hayyamu yoo tahu, ummatni gocha kana mormuun halkan kaleessaa mormii guddaa geggeessuun gamoo paarlaamicha ibiddaan kan barbadeessan ta’uu gabaafameera.

Seneetoonni mormii kana booda ganama hardhaa walitti qabamuun labsii pirezedaantichi yeroo lammaffaaf akka filamu kaahanii turan kan haqan tahuu gabaasni CNN irraa argame ni addeessa