Ahbaashonni magaalaa Kombolchaatti kitaabonni Tawuhidaa akka hin gurguramne dhoorkan

Manneen Kitaabonni Islaamaa adda addaa itti gurguraman kan naannoo Amaaraa godina Walloo Kibbaa magaalaa Kombolchaatti argaman, kitaaba Tawuhidaa akka hin gurgurre dhoorkamu odeeffannoon argame ni addeessa.

Hooggantoonni majliisa amantaa Ahbaash sochii Da'awaa magaalaa Kombolchaatti hawaasni muslimaa godhu fi masjiidota magaalattii keessatti argaman mara qaamota mootummaa waliin tahuun hawaasa muslimaa irra eega too’annaa isaanii jala galfatan booda Manneen Kitaabonni Islaamaa itti gurguraman kitaabota tokko tokko keessa Filuun akka hin gurgurre kan dhoorkan tahuu maddeen gabaasan.

Kitaabota akka hin gurguramne dhoorkaman jidduu Usulussalaasaa, Kitaabuttawuhiid, Aqiidatul Waasixiyyaa, Al Irshaad, Keshfe Shubhaat fi kitaabban Tawuhiidaa kan birootis jiraatuu gabaafameera.

Qaamni kitaabban kana osoo gurguru argame, hidhaan kan adabamuu fi akkasumas manni Kitaabaa kan irraa cufamu ta’uu kan akeekkachiisan ta'uus odeeffannoon argame ni addeessa.

Kaassettaa fi Siidiiwwan Muhadaraa adda addaa kan daa'iiwwan biyya keessaatiin qophaa'anis akka hin gurgurre kan himameef tahuu beekameera.

Hooggantoonni majliisa amantaa Ahbaashotaa kunniin masjiidota magaalatti keessatti argaman adda addaatis Afrikaa Tv'n Tv Kaafiraatii hin hordofinaa jechuun kan barsiisaa jiran tahuus gabaafameera.

Kitaabban Tawuhidaa akka hin gurguramne erga dhoorkanii booda magaalaa Kombolchaatti kitaabban amantaa Ahbaash hedduminaan kan faca’an tahuu odeeffannoon argame ni addeessa.