Manni Murtii Awurooppaa Kaampaaniiwwan hojjattoota isaanii Hijaaba dhoorkuu akka danda'an hayyam
- NuuralHudaa
- Mar 14, 2017
- 1 min read
Manni murtii Awurooppaa ibsa guyyaa hardhaa kenne irratti
"Dhaabbanni tokko qajeelfama mataa isaa kan mallattoo amantaa, siyaasaa calanqisiisu hojjattootni isaa akka hin uffanne dhoorke, dhiibbaa godhe hin jedhamu" jedha.
Manni murtii Awurooppaa himannaa kanaan dura dubartoonni muslimaa lama Faransaayii fi Beeljiyeem irraa sababa hijaaba hin baafannu jechuu isaaniitiin hojii isaanii irraa ari'amaniif dhiheeffatan irratti murtii dabarsuu INDEPENDENT NEWS gabaaseera.
Seerri kun kan dubartoota muslimaa irratti dhiibbaa uumuuf tumame jechuun qeeqamee jira.
Pirezedaantii Waldaa Oggeeyyii Abbootii alangaa dubartoota muslimaa fi mirga namoomaa Beeljiyeem kan taate Kim Lecoyer akka Aljaziiraaf ibsitetti
"Seerri kun kan amantaa irratti dhiibbaa uumuuf tumame. Akkasumas Manni murtii dhiibbaa dubartoota muslimaa irratti godhamaa jiru kan falmuu qabuu fi mirga dubartootaa kabajsiisuu dirqama osoo cunqursaa kana deeggaruu filatee jira” jechuun Aljaziiraaf himte.
Biyyoota Awurooppaa adda addaa keessatti dhiibbaan dubartoota muslimaa irratti godhamu guyyaa irraa guyyatti kan dabalaa jiru tahuus gabaafameera.
תגובות