Manni Murtii Kaayiroo Pirezedaantiin Misraa duraanii yakka himatameen irraa bilisaan akka lakkifamu

Manni Murtii olaanaa Kaayiroo guyyaa hardhaa yakka ajjeechaa Pirezedaantiin Misraa duraanii kan waggaa 30f biyyattii bulchaa ture Husnii Mubaarak yeroo fincila bara 2011 guutuu biyyattii keessatti ka’etti tarkaanfii ajjeechaa mormitoota irratti raawwatuun himatamee ture bilisa ta'uu murtii dabarse.

Abbaan Seeraa himannaa kana ilaalaa ture Ahmad Abdal Qawwii, Himatamaan yakka ittiin himatame irraa bilisa tahuu murteessee ol iyyannaa abbaan Alangaa dhiheeffate kan kuffise tahuu gabaafameera.

Mubaarak yakka ajjeechaa lammiiwwan Misraa 900 ol tahan kan bara 2011 yeroo akka aangoo lakkisu morman irratti guyyaa 18 keessatti raawwatameen himatamuun ni yaadatama.

Himannaa irratti dhiyaateef bara 2012ti adabbiin hidhaa umrii guutuu kan irratti darbee ture yoo tahu oliyyannaa mana murtii olaanatti dhiheeffate manni murtii olaanaa immoo bilisaan lakkisee ture, bara 2016 keessa immoo himannaa biroo yakka malamaltummaa isaa fi Ijoollee isaa lama Alaa fi Gamaal jedhaman irratti dhiyaatuun adabbiin waggaa 3 itti murteeyfamuu ni yaadatama.