Harargee Lixaa Magaalaa Bordoddeetti lola guddatu deemaa oole.

Ganama hardhaa sa'aa 4:30 irraa eegalee Harargee lixaa magaalaa Bordoddeetti waraanni liyyuu poolisii naannoo Sumaalee lola guddaa banuu odeeffannoon argame ni addeessa.

Waraanni Makkalakayaa liyyuu poolisii waliin tahuun ummata Oromoo irratti dhukaasa banuun beekameera. Lola guyyaa hardhaa waraanni liyyuu poolisii fi Makkalakayaan ummata irratti banteen ummata irraa namoonni lama Jaabiroo Khadiir Husseen fi Husseen Saakoo jedhaman kan ajjeefaman yoo tahu, Liyyuu Poolisii naannoo Sumaalee irraa immoo namoonni lama ajjeefamuu fi sadii ammoo madaa'uu odeeffannoon argame ni addeessa.

Waraanni Makkalaakayaa poolisoota naannoo Oromiyaa kan ummataaf dirmatan tumaa kan hidhaa jirtu tahuu maddeen gabaasaniiru. Waaree booda warri Liyyuu poolisiin Bordoddee irraa gara Dirree Qaalluutti darbuun yeroo ammaa dirree Qaalluutti lolli cimaan deemaa jiraatuu odeeffannoon argame ni addeessa.