Baqattoota Itiyoophiyaa Sudaan keessa jiran waraanni mootummaa Sudaan tumuun beekame.
- NuuralHudaa
- Feb 17, 2017
- 1 min read
Guyyaa hardhaa baqattoonni Itiyoophiyaa kan Sudaan keessa jiraatan Imbaasii Itiyoophiyaa kan magaalaa guddittii Sudaan Kaartumitti argamutti poolisootaan kan tumaman ta'uu maddeen gabaasaniiru.
Akka Baqataan nuti achi irraa dubbisne tokko nuuf himetti
"Baasiin Waraqaa eenyummaa kafalamu humna keenyaa ol waan nutti dabalameef torbee dabre Imbaasii Itiyoophiyaa kan Sudaaniitti argamutti Iyyataafi dhaqne Itti gaafatamtuun Imbaasii Itiyoophiyaa aaddee Birtuukaan tan jedhamtu baatee eega nu dubbistee booda dhimma kana ilaalchisee xalayaan nu gahes waan hin jirreef qulqulleeffannee torbaan dhufu isaanii deebisna jechuun guyyaa hardhaaf nu beellamtee turte, nutis guyyaa hardhaa deebisaa arganna jennee yoo deemnu hojjataan Imbaasii tokko gad bahuun ammas guyyaa 15 booda deebi'aa ogguu nuun jedhu nuti hin deemnu jennee didne isaan wanti asi dhuftaniif jeequmsaaf jechuun balbala nutti cufanii poolisoota nutti waaman, poolisoonni konkolaataa 8 ol dhufuun nu tuman" jedha.
Reebicha poolisoota kanaan namoonni hedduun kan miidhamanii fi namni du'es jiraatuu odeeffannoon argame ni addeessa.
Comentários