Waraanni Liyyuu Poolisii Naannoo Sumaalee guyyaa hardhaa Araddaa Dararaa Arbaatti nama tokko ajjeesu
- NuuralHudaa
- Feb 9, 2017
- 1 min read
Ganama Hardhaa Aanaa Baabbilee araddaa Dararaa Arbaa jedhamutti waraanni Liyyuu Poolisii Naannoo Sumaalee nama tokko ajjeesuun, namni tokko immoo midhamuu oddeeffannoon naannawa irraa arganne ni addeessa.
Akka jiraataan naannawa sanii tokko nuuf himetti,"Ganama hardhaa waraanni liyyuu Poolisii naannoo Sumaalee daangaa Oromiyaa aanaa Baabbilee araddaa Dararaa arbaa jedhamu seenuun miseensa poolisii naannoo Oromiyaa Ahmad Rumaan nama jedhamu ajjeesuu fi tokko immoo haalaan miidhamee jira, walumaagalatti waraanni naannoo Sumaalee kun araddaa 8 ol too'annaa jala oolfatuun Alaabaa naannoo isaanii dhaabanii jiru, akkasumas miseensa Poolisii naannoo Oromiyaa tokkos booji'anii jiru” jechuun nuuf himeera.
Araddaawwan to'annaa isaanii jala oolfatan jidduu Araddaa Dararaa, Tulluu Horoo, lakkoolee, Awsharii, Araddaa Sheekh Husseenii fi Dorobs tahuu odeeffannoon argame ni addeessa
Commentaires