Muslimoonni magaalaa Dasee irraa ajjeechaa Sheekh Nuuruu Yimaamiitiif himataman, guyyaa boruu mana m

Obboleeyyan Muslimaa magaalaa Dasee irraa waggaa 3 dura yakka dharaa Sheekh Nuuruu Yimaam ajjeestan jechuun himatamanii dararamaa turan, ji'a dabre murtii badii raawwattanii jirtu jedhu itti darbe ture.

Yakki obboleeyyan muslimaa kunniin himatamaniin; Ajjeechaa Sheekh Nuuruu Yimaam, Mootummaa Islaamaa biyyattii keessatti hundeessuu fi sagantaa Sadaqaa fi Tokkummaa magaalaa Daseetti geggeeffame irratti hirmaattan kan jedhu yoo tahu, himatamtoota kanniin manni murtii wagga 3 guutuu himannaa dharaa isaan irratti dhiyaate eega ilaalee booda, badii raawwattanii jirtu jechuun adabbii isaan irratti dabarsuuf Amajjii 18/2016 beellamaman. Guyyaa boruu beellama isaanii irratti hundaa’uun mana murtii olaanaa Federaalaatti ni dhiyaatu jedhamanii eeggamu.