Pirezedaantiin Gaambiyaa Yahyaa Jaameeh aangoo gad dhiisuu murteesse.

Pirezedaantii Gaambiyaa tahuun waggaa dabre ji'a tokko dura kan filame Adaamaa Baaroow "Pirezedaantii waggaa 22f Gaambiyaa bulchaa ture, kan filannoo ji'a darbe keessa geggeeffame dhabee aangoo lakkisuu didde Yahyaa Jaameeh, dhuma irratti aangoo lakkisuuf murteessee jira" jedha.

Adaamaa Baaroow dabalataanis Tiwittaara isaa irratti Pirezedaantiin duraanii kun biyyattis lakkisee kan bahu tahuu barreesse.

Adaamaa Baroowu kamisa kaleessaa Imbaasii Gaambiyaa kan magaalaa Dakaar Senegaal keessatti argamutti kakatee pirezedaantii Gaambiyaa tahuu labastuun ni yaadatama.