Haleellaa boombii Afghaanstaan keessatti raawwatameen diplomaatonni Dubaay( UAE) 5 ajjeefaman.

Haleellaa guyyaa kaleessaa Afghaanistaan magaalaa Kandahar keessatti raawwatameen lubbuun namoota 11 kan darbe yoo tahu, namoota kanniin jidduu immoo isaan 5 diploomaatota Dubaay (UAE) tahuu isaanii odeeffannoon ni addeessa.

Dhaabbanni oduu Emireetii akka gabaasetti namoonni lubbuun isaanii darbe kunniin namoota gargaarsaa, barnootaa fi pirojektii misoomaaf ergaman tahu gabaase.

Muummichi ministeera UAE Sheekh Muhammad bin Rashiid Al Maktuum gama twitter isaa irraan “namoota gargaarsaaf deeman irratti ajjeechaan bifa kanaa raawwatamuun akka amantaa fi namummaattis safuu guddaadha” jechuun barreese.

Mootummaan UAE gadda lammiiwwan ajjeefamanii kanaan guyyaa 3 guutuu biyyattiitti alaabaan biyyattii gad bu’uun akka fannifamu labse.