Sirni Awwaalcha sheekh Hassan Abdallaah guyyaa hardhaa raawwatame.
- NuuralHudaa
- Dec 31, 2016
- 1 min read
Sheekh Hassan Abdallaah torbee dabre keessa osoo salaata Subhiif gara masjiidaa deemaa jiran Afrikaa kibbaatti nama hin beekamneen rasaasaan dhahamee yaalamaa egaa turee booda guyyaa kaleessaa Aakiramuu isiiniif gabaasuun keenya ni yaadatama.
Guyyaa hardhaa Masjiida Taqwaa kan isaan itti qaraasisaa turanitti Janaazaa isaanii irratti eega salaatamee booda sirni awwaalcha isaanii kan raawwatame tahuu odeeffannoon argame ni addeessa.
Sirna Awwaalchaa kana irratti Aalimni guddaan Sheekh Isaaq Muhammad Waa'ee Sheekh Hassan eega dubbatanii booda namni isin mufachiise yoo jiraate Rabbiif Jecha akka dhiifama godhaniif dhaamsa dabarsaniiru.
Sirna Awwaalchaa kana irratti Lammiiwwan biyya keenyaa kan Afrikaa kibbaa magaalota adda addaa jiraatan argamu maddeen gabaasaniiru.
Rabbiin Sheekh Keenna Jannataan haa qananiisu.
Comments