Waajjirri Bulchiinsaa fi Nageenyaa leenjii waraanaa fudhatuu qabdu jechuun ummata dirqisiisaa jira.

Godina Harargee Bahaa Aanaa Midhagaa Tolaatti kamisa hardhaa waajjiirri Bulchiinsaa fi nageenyaa aanichaa gandoota adda addaa irraa qote bultoota walitti guuruudhaan leenjii waraanaa fudhatuu qabdu jechuun dirqamaan magaalaa Midhaagatti kan walitti qabe tahuu maddeen nuuf gabaasaniiru.

Akka jiraataan naannawa sanii nuuf himetti

"Qotee bultoota aanaa keessatti argaman waraana isin goona jechuun rakkisaa jiru, qaamni waan kana godhaa jirus waajjira Bulchiinsaa fi nageenya aanichaati, karoorri kun eega jalqabamee ture jira. Garuu amma hojitti jijjiiruun guyyaa hardhaa ummata qabeenyaa fi maatii isaanii irraa adda baasuun rakkisaa jiru" jechuun nuuf himeera.

Akkasumas namoota didan kan sodaachisaa jiraniif gochi yeroo ammaa mootummaan ummata aanaa midhaagaa tolaa irratti raawwataa jirus yaaddessaadha jedha jiraataan aanichaa kun.