Lammiiwwan Ukkaamfaman haalli isaan irra jiran hin beekamu.

Eega labsiin yeroo muddamaa labsamee lammiiwwan hedduun naannoo Oromiyaatiif Amaaraa irraa ukkaamfamaniiru, lammiiwwan kunniin haalli isaan irra jiran wanti beekamu hin jiru. Labsiin kun eegaa labsamee hardha ji'a tokko guutee jira. Akka seeraatti garuu labsiin kun guyyaa labsame irraa kaasee guyyaa 10 keessatti lammiiwwan hidhamanis tahee lakkifaman sababaan isaan hidhamaniif, eessatti akka hidhamanii fi eenyummaan isaanii ifa ta'uu qaba jedha. Haata'u malee mootummaan Kaampii waraanaa adda addaatti hidhamanii jiru jechuun alatti lubbuun jiraatuuf ajjeefamuu isaanii wanti ibse hin jiru.

Qaamonni labsii yeroo muddamaa kana hojii irra oolchaa jiran gareen Koomaandpoostii fi Hidhattoonni Agaazii naannoo Oromiyaa fi Amaaraa irraa lammiiwwan hedduu ajjeesaniiru, gocha Sukaneessaa irratti raawwataniiru. Akkasumas lammiiwwan kumaatamaan lakkaa’aman ukkaamsuun eessa akka gessan hin beekamu.

Maatiiwwan namoonni jala qabaman cinqaa guddaa keessa jiru. Dhaabbileen mirga ilma namaatiif falmina ofiin jedhanis mootummaan akka gocha kana irraa deebi'u jechuun alatti dhiibbaan isaan godhan hin jiru.

Hanga hardhaatis mootummaan gocha kana raawwatuu cimsee itti fufee jiraatuu odeeffannoon ni addeessa.