Magaalaa Harariitti Poolisoonni lama hidhaman.

Waraanni mootummaa guyyaa hardhaatis naannoo Hararii magaalaa Harariitti poolisoota dhalootaan Oromoo tahan lama hidhuu odeeffannoon naannawa irraa nu gahe ni addeessa.

Poolisoonni hidhaman kunniin Inispekteer Muhammad Dinee fi Abdii Iisaa kan jedhaman yoo tahu, sababni hidhamaniifis ayyaana sabaa fi sablamootaa mootummaan naannoo Hararitti kabajuuf qophaa’aa jiru irratti jeequmsa kaasuuf qophii irra jirtu sodaa jedhu keessa seenuun tahuu maddeen nuuf gabaasaniiru. Guyyaa kaleessaatis naannoma kanatti Abbaan Alangaa Riduwaan Abdoo fi Gazexeessaa FM naannoo hararii kan tahe Imaaj Abdii waraana mootummaatiin ukkaamfamuu isaanii gabaasuun keenya ni yaadatama.

Yeroo ammaa kanatti mootummaan naannoo Hararii hojjattoota mootummaa dhalootaan Oromoo tahaan irratti xiyyeeffatee ukkaamsaa jiraatuu maddeen naannawa irraa nuuf gabaasaniiru.