Ahbaashonni Magaalaa Kombolchaatti hiriira Deeggarsa mootummaaf qaban itti ibsatan geggeessan.

Mootummaan fincila guutuu biyyatiitti ka'e sababeeffatuun labsii yeroo muddamaa labsuun beekamaadha. Labsii kana jalatti mirgoonni adda addaa kan sarbaman yoo tahu, mirgoota kana keessaa immoo tokko mirga iddoo kamittuu hiriira Nagayaas tahe Gareen socho'uu ji'a jahaaf biyyattii keessatti akka hin adeemsifamne dhoorkuu ibsameera.

Haata'u malee mootummaan deeggartoota isaa labsiin kun kan hin daangesine tahuu muldhisaa jira.Guyyaa hardhaa magaalaa Kombolchaatti Ahbaashonni hiriira Deeggarsa mootummaaf qaban itti ibsatanii fi paartii moormitootaa itti balaaleffatan kan geggeessaa oolan tahuu odeeyfannoon argame ni addeessa. Hiriirri kun labsiin Motummaan labse kan deeggartoota isaa hin ilaallanne tahuu kan agarsiisuudha jedhameera.