Magaalaa Adaamaatti waraanni mootummaa ummata irratti saamicha geeggeessaa jiraatuun beekame

Guyyaa hardhaa magaalaa Adaamaatti waraanni mootummaa manneen irra deemuun dish hiikkataa jira jechuun jiraataan magaalaa sanii nuuf himeera.

Akka jiraataan kun jedhutti "Waraanni mootummaa manneen irra deemuun dish hiikkataa jira akkasumas manneenii fi namas sakatta'uun mobaayila namarraa fudhataa jiru" jedha

Akkuma beekamu mootummaan fincila biyyaa keessatti itti ka'een sodaa cimaa keessa seenee labsii yeroo muddamaa labsuun isaa beekamaadha. Labsii kana jalatti saa'aa barbaadameetti manneen ummata irratti ajaja mana murtiitiin alatti waraanni akka barbaadetti sakatta'iinsa geggeessuu ni danda'a kan jedhu kan jiru yoo tahu, waraanni mootummaatis labsii kana dawoo godhatuun ummata irratti saamicha geeggeessaa jiraatuu odeeyfannoon naannawa adda addaa irraa nu gahu ni agarsiisa.