Masjiida biyya Jarmanitti argamu tokkotti Boombiin dhoohe.

Masjiidaa fi Galma walgahii kan Biyya Jarman magaalaa Dreesdan keessatti argamu keessatti, halkan edaa boombiin kan dhoohe tahuu odeeyfannoon argame ni addeessa. Dhoohinsa Kanaan namni miidhame hin jiru. Garuu Masjiidaa fi galmi walgahii balaa boombii kanaan miidhaamee jira. balaa kanaaf Haga ammaatti namni itti gaafatamummaa fudhate jiraatuu baatus, dhoohinsi kun, jibbiinsa ummata biraa (Xenophobia) wajjiin kan walqabatu akka ta’uu danda’u, poolisiin ibsee jira.

Magaalaan Dreesden tun magaalaa Warraaqsi farra islaamummaa Jarman (PEGIDA) kan itti bu’uureeffame yoo tahu, kaayyoon Warraaqsa kanaa ammoo Islaamummaa jarmaniin keessaa balleessuudha, dhoohinsi kaleessaa kun akkuma gareen kun Hiriira nagayaa godhee, bittinnaa’een booda kan mudate ta’uu gabaasni UPI irraa arganne ni mul’isa.