Manni Murtii Jarman labsii dubartoonni mana barnootaatti niqaaba akka hin uffanne jedhu labse.

Partileen siyaasaa Biyyatti sadii Niqaabni mana Barnootaatti, mana murtii fi yeroo konkolaataa konkolaachisan akka dhorkamu gaafatan. Manni murtiillee gaafii kana irratti hundaahuun guyyaa hardhaa mana barnootaatti akka dhoorkamu seera jedhu baase.

Shamarreen muslimaa tokko jum'aa dabre niqaaba uffattee jirta jechuun kutaa barnootaa seenuu sababa dhoorkamteef mana murtii magaalaa Osnabrueck iyyattee, guyyaa hardhaa shamarreen tun mana murtii dhihaattee, Manni murtilleen iyyanoo isii kuffisuun, gaafiin paartileen siyaasaa kanaan dura gaafatan sun hojii irra akka oolu labse.

Warri Paartii siyaasaa Conservative ykn garreen aadaa fi jireenni hawaasummaa ka durii irra jijjiiramuu hin qabu jedhe amanu kanaan dura yeroo mootummaan Jarman baqattoota muslimaaf karaa banu jibbaansa ibsataa turan. paartiin tun hardhallee warri niqaabni akka dhoorkamu jedhe keessaa tokko akka ta'an odeeyfannoon ni addeessa.