HIN BOOYIN NI DABRA

Guyyaan guyyaa caalee

Gabri abbaa dhaalee

Abbaan hiyyoomatee

Gabrichi gabbatee

Hanga fedhe sooru

Hin oolu kasaaruu

Haqni abbaaf gala

Eegullee galgala

Roorroon heddumaatee

Yoo jireenyi ulfaate

Rabbumatti iyyadhu

Deebii isa gaafadhu

Inni deebii hin dhabu

Isa ka harkaa qabu

Sitti hammaatus harra

Boru guyyaan haaraa

Hin booyin ni dabraa